Shoqata Kulturore “GRUAJA” ёshtё themeluar me iniciativën e një grupi femrash intelektuale nё fillim tё vitit 1996 dhe ёshtё regjistruar në gjykatën e Tiranës me nr.11627 datë 16.12.1996.  Qёllimi i kësaj shoqate ështe të japë ndihmesën e saj për forcimin e vlerave të femrës dhe familjes shqiptare.

Shoqata Kulturore “GRUAJA”, me aktivitetet e organizuara, në një kohë të shkurtër u bё një urë lidhëse mes femrave muslimane në Shqipëri, atyre nё trojet etnike shqiptare dhe më gjerë në vendet e botës islame. Përveç kësaj, kjo shoqatë duke dashur t’i vijë në ndihmë gruas muslimane dhe të jetë një përkrahje për edukimin, shkëmbimin e ideve dhe përvojave në fusha të ndryshme, ka shtrirë aktivitetet e saj në plan më të gjerë dukё bёrё organizimin e disa seminareve, simpoziumeve, marrjes pjesё nё panaire tё ndryshme si brenda dhe jashtё vendit etj. Nëpërmjet këtyre aktiviteteve kjo shoqatë përpiqet të jetë pjesë e pandarë e jetës së gruas në shoqërinë tonë dhe nё planin ndёrkombёtar.

Një tjetër synim prioritar i kësaj shoqate ka qenë dhe vazhdon të jetë botimi i librave me tematika të ndryshme, ku një vend të veçantë zë dhe tematika e gruas, si një pjesë tepër e rëndësishme dhe e pandarë e shoqërisë. Gjithashtu, Shoqata Kulturore “GRUAJA”, krahas botimeve të tjera ka patur nёn mbikqyrje edhe revistën periodike “Familja”, e cila  tashmë është kthyer nё njё revistё mujore tё pavarur mjaft e familjarizuar me lexuesin si nё Shqipёri, ashtu edhe nё Kosovё, Maqedoni e Mal tё Zi. Lexuesit i  vlerësojnë dhe i duan vlerat dhe virtytet qё kjo revistё promovon.

Shoqata është përpjekur të bëjë një prezantim dinjitoz të aktiviteteve të saj në mediat audio-vizive dhe në ato të shkruara. Shoqata ёshtё anёtare e Unionit Ndёrkombёtar tё Femrave Muslimane nё Botё dhe ka nёnshkruar njё numёr protokollesh bashkёpunimi me shoqata dhe organizata të grave nё vend  dhe nё botё.