Gra të shquara në historinë islame

Islami shënoi një pikë të madhe kthimi në historinë e gruas. Përmes tij, gruaja rifitoi të drejtat e nderit të saj, prej të cilave kjo kishte qenë e privuar për shekuj me radhë në errësirën e periudhës paraislamike.

Islami përtëriu të drejtat e saj të plota për të filluar një jetë fisnike nën hijen e një sistemi të civilizuar dhe të lavdishëm.

Kjo bëri që në shekujt e parë të Islamit të evidentohen figura të rëndësishme grash, që u shquan si nëna, bija, luftëtare, dëshmore, poete dhe mësuese brezash.

Në mënyrë që shembulli i tyre të jetë frymëzim edhe për kohën tonë, Shoqata Kulturore “GRUAJA” ka përgatitur një seri librash me biografinë e disa prej këtyre grave, sipas titujve të mëposhtëm:

1-     Nënat e besimtarëve

2-     Nënat e Profetit Muhamed a.s.

3-     Vajzat e Profetit Muhamed a.s.

4-     Gratë më të shquara

5-     Gra dëshmore

6-     Asketet më të njohura

7-     Ligjërueset më të shquara

8-     Luftëtaret më të shquara

9-     Dijetaret më të njohura

10- Poetet më të dëgjuara

Nënat e besimtarëve

Nënat e besimtarëve janë gratë të cilat patën nderin të martohen me profetin e Allahut, Muhamedin, paqja dhe mëshira e Allahut qoftë mbi të, jetuan me të dhe mësuan prej moralit të tij të lartë e prej cilësive të lavdëruara të tij.

Nënat e besimtarëve, Allahu qoftë i kënaqur prej tyre, duruan shumë prej vështirësive e mundimeve për hir të thirrjes islame. Ato luftonin me profetin a.s dhe duronin së bashku me të vështirësitë e jetës dhe mundimet e saj e kjo për hir të dashurisë për Allahun dhe të dërguarin të Tij. Kështu ato, me këtë, u bënë mbështetja më e mirë për profetin, paqja dhe mëshira e Allahut qoftë mbi të, në plotësimin e misionit të tij dhe përhapjen e fesë së Allahut të Madhëruar.

Le të njihemi pra me nënat e besimtarëve, Allahu qoftëi kënaqur me to, jetën dhe pozitën e tyre tek Allahu i Madhëruar dhe tek i dërguari i Tij, paqja dhe mëshira e Allahut qoftë mbi të, që rrugën e tyre në mënyrën e jetesës dhe sjelljes ta ndjekin gratë muslimane që të arrijnë kënaqësinë e dunjasë dhe të ahiretit.

Nënat e profetit

Profeti alejhi selam i thërriste disa prej grave: o nënë, sepse ato patën fatin të ishin afër me të kur ai ishte i vogël. Prej tyre pati që e mbartën dhe e lindën, pati nga ato që e mëkuan, dikush tjetër u përkujdes për të në shtëpinë e saj sikur të ishte një prej fëmijëve të saj, e dikush tjetër ka qënë hallë e tij e më pas pranoi islamin dhe e ndoqi duke arritur kështu nderin e afërsisë dhe të islamit.

Këto gra luajtën një rol të madh në jetën e profetit alejhi selam ashtu siç edhe biografia dhe sjellja e tyre ishin të pastra e të lavdërueshme.

Këtu do të njihemi me disa prej këtyre grave, me jetën dhe sjelljet e tyre, me rolin që ato luajtën në jetën e profetit e kjo që rruga e tyre të ndiqet dhe gratë e muslimanëve të përfitojnë dhe t’i kenë ato si udhëheqje në jetën e tyre të sotme.

Vajzat e profetit

Allahu i Madhëruar e nderoi të dërguarin e tij, Muhamedin, me pasardhës të mirë, djem e vajza. Megjithëse djemtë e tij vdiqën që në vogëli, atij i mbetën katër vajzat që ishin: Zejnebi, Rukija, Um Kelthumi dhe Fatimja e pastër, Allahu qoftë i kënaqur prej tyre. Nëna e tyre ishte Hadixhe bint Huejlid.

Ato u rritën në një shtëpi të mbushur me besim e kështu që u bënë shembull i mirë në dije e sjellje, udheheqje për çdo grua besimtare, të ndershme e të pastër.

Në këtë libër do të njihemi me vajzat e profetit alejhi selam, jetën dhe pozitën e tyre tek Allahu dhe i dërguari i tij si dhe veprimtarinë e tyre.

Gratë më të shquara

Kur’ani i Nderuar përmend në ajetet e tij një emër të vetëm gruaje e ai është emri i Merjemit, vajzës së Imranit, Allahu qoftë i kënaqur me të.

Në shumë vende të tij Kur’ani na dëfton për disa prej grave besimtare. Ndonjëra prej tyre ka qënë grua profeti, ndonjë tjetër nënë e tij apo thjesht një grua e devotshme e cila besoi Allahun dhe ndoqi të dërguarin e tij dhe u mundua për hir të fesë së tij dukee durruar vështirësitë dhe mundimet e këtij misioni.

Këto gra ishin ishin dhe janë një shembull dhe një udhëheqje e mirë për çdo grua besimtare të devotshme e cila përpiqet për të arritur kënaqësinë e Zotit të saj dhe të dërguarit të Tij.

Në këtë libër do të njihemi me disa prej këtyre grave, jetën dhe pozitën e tyre tek Allahu.

GRA DËSHMORE

Martirizimi në rrugë të Allahut është qëllimi i çdo besimtari të sinqertë e kjo prej shpërblimit të madh që ky vend ka. Profeti i Allahut, alejhi selam , thotë: “Betohem në Atë që shpirti i Muhamedit ndodhet në dorën e Tij nuk ka plagë që merret në rrugë të Allahut  e Ai patjetër që do ta sjellë në të njëjtën fromësi  atë ditë që është plagosur: ngjyra në ngyrën e gjakut dhe era e tij është misk. Betohem në Atë që shpirti i Muhamedit ndodhet në dorën e Tij se sa do të dëshiroja të luftoja në rrugë të Allahut e të vritesha, më pas të luftoja e të vritesha, më pas të luftoja e të vritesha” [Trasmeton Muslimi].

Kjo pozitë nuk është privilegj vetëm i burrave. Atë e kanë arritur edhe disa gra prej popujve të mëparshëm siç e arritën edhe disa prej grave sahabije, Allahu qoftë i kënaqur me to.

Këtu do të përmenden disa shembuj të këtyre grave të cilat e arritën këtë gradë dhe fituan kënaqësinë e Allahut dhe mirësisë e përjetshme të Tij në xhenet.

Asketet më të shquara

Kjo botë nuk vlen tek Allahu as sa krahu i një mushkoje, kështu që largimi dhe mosrendja pas kënaqësive të saj është një prej gjërave që Ai i pëlqen.

Muslimani duhet të marrë prej kësaj bote aq sa i nevojitet për jetën e tij, duke i kushtuar pastaj vëmendje të veçantë qëllimit më të lartë, për të cilin edhe është krijuar dhe për të vërtetuar edhe thënien e Profetit Muhamed alejhis-selam: “Jeto në këtë botë sikur të jesh i huaj dhe kalimtar” [Trasmetoi Buhariu].

Historia islame është e mbushur me biografi të shumë asketëve dhe asketeve, të cilët morën pak prej kësaj bote dhe jetuan një jetë të përkorë e modeste.

Ky libër na sjell disa shembuj të disa prej grave, që dhanë shembullin e një jete të tillë.

Ligjërueset më të shquara

Ligjërimi është prej arteve më të larta të të folurit. Ka një ndikim të madh në shpirtra dhe mendje ku i tërheq dëgjuesit dhe i drejton atje ku do ligjëruesi. Profeti alejhi selam e përmend fushën e ndikimit të ligjëratës në shpirtrat e njerëzve dhe mendjet e tyre dhe thotë: “Prej oratorisë ka edhe magji” [Trasmeton Buhariu].

Ligjëruesi i mirë është ai i cili realizon në ligjërimin e tij elementët e suksesit të tij, shquhet për oratori duke qënë përmbledhës dhe të ketë forcë ndikimi që dëgjuesit të mbështetin mendimin e tij.

Librat e letërsisë dhe të historisë janë të mbushur me ligjërata dhe ligjërues të  kohërave të ndryshme.

Në këtë libër do të njihemi me disa prej grave që janë shquar për ligjërime dhe sidomos për oratori.

Luftëtaret më të shquara

Lufta është një prej veprave më të mëdha. Është pika më e lartë e islamit si dhe ka një shpërblim të madh. Profeti alejhi selam thotë: “Në xhenet ka njëqind gradë të cilat Allahu i ka përgatitur për luftëtarët në rrugë të Tij, mes një grade dhe tjetre është sa mes qiellit dhe tokës” [Trasmeton Buhariu].

Muslimanet e para luajtën një rol të madh në beteja e luftëra ku mjekonin të plagosurit, u jepnin ujë luftëtarëve etj.

Porse disa gra nuk u mjaftuan me kaq. Prej tyre pati edhe nga ato që ngritën shpatën kundër armiqve dhe jobesimtarëve duke luftuar sikurse edhe burrat për të mbrojtur fenë dhe të dërguarin e Allahut.

Këtu, në këtë libër, po përmendim disa prej këtyre shembujve të ndritur të këtyre grave të cilat luftuan për hirë të Allahut duke marrë pjesë me burrat në luftë sepse e dinën që xheneti është nën hijen e shpatave.

Juristet më të shquara

Dituria është trashëgimia e profetëve, me të njeriu udhëzohet për në rrugë të drejtë dhe largohet nga e shtrembëta. Marrja e saj ka shpërblim të madh. Profeti aljhi selam thotë: “Kush ndjek një rrugë për të kërkuar dije, Allahu ia lehtëson rrugën për në xhenet dhe melaiket vënë krahët e tyre për kërkuesin e dijes të kënaqur për atë që bën” [Trasmeton ebu Daudi] si dhe: “Kujt Allahu i do mirësinë e jep dije në fe” [Trasmeton Buhariu dhe Muslimi].

Muslimanet e para luajtën një rol të madh në marrjen e dijes dhe përhapjen e saj mes nxënësve. Prej tyre dolën mësuese Kur’ani, hadithi, jurisprudence dhe komentimi Kur’ani.

Këtu po përmendim disa shembuj të këtyre grave që arritën një shkallë të lartë dije në shkencat e islamit.

Poetet më të shquara

Poezia është shtylla e arteve të letërsisë. Ajo ka një ndikim të veçantë në dëgjim dhe ndikon tek shpirtrat ashtu sikurse edhe magjia në trupa. Kjo e bënte fisin arab që kur shfaqej tek ata një poet të shtronte gosti dhe të festonin si vlerësim dhe mburrje me të.

Porse poezia mund të jetë e mirë dhe e keqe. E keqe është ajo poezi e cila nxit instiktet dhe epshet e që mbart në vetvete tallje e sharje për të tjerët pa të drejtë. Ndërsa, nëse poezia është për të ngritur ndjenjat apo dashurinë për hir të Allahut dhe të dërguarit të Tij, apo për mbrojtje të së drejtës, është poezi e mirë të cilën e pëlqen Allahu dhe i dërguari i Tij.

Librat e arteve janë të mbushura me diskutime rreth poezisë dhe poetëve. Në këtë libër do të njihemi me disa prej grave të cilat u shquan për oratori, gjuhë të pastër dhe poezi. 

BOTIMET E SHOQATËS KULTURORE “GRUAJA”:

Në fushёn e botimeve Shoqata Kulturore “GRUAJA” ka dhënë ndihmesën e saj të konsiderueshme. Me iniciativën e saj janë botuar një sërë librash ndër të cilët përmëndim:

Libri “Roli i familjes në edukimin e fëmijëve” me autor Xhemal Balla. Ky libër trajton rëndësinë që ka edukata familjare në brymosjen e karakterit të fëmijës dhe kërkon që t'i vijë në ndihmë prindërve për të mbjellë dhe kultivuar në shpirtin e individit të ri vlerat nga të cilat ai do të udhëhiqet gjatë gjithë jetës. Veç të tjerash, ku libër kërkon ta ndërgjegjësojë familjen për rëndësinë që ka dhe t’i vijë në ndihmë për ta kryer rolin e saj në formën më të mirë.

Njё iniciativë e rёndёsishme e Shoqatës Kulturore “GRUAJA” ka qenë edhe përgatitja për botim e serisё sё librave pёr fёmijё sipas Kuranit e pёrgatitur nga Gentian Bodlle dhe Nura Zekaj, libra këta që kanё njё rёndёsi edukative tё veçantё pёr moshat e reja.

SERIA E BOTIMEVE PЁR FЁMIJЁ SIPAS KURANIT.

Librat duhet të jenë të lexueshëm nё internet.

1) Historia e dy bijve të Ademit
2) Dënimi i Balamit
3) Mbreti Daud dhe dy engjëjt e Zotit
4) Diga që ndan të mirën nga e keqja
5) Haxhireja dhe uji i Zemzemit
6) Lopa që zbuloi vrasësin
7) Historia e Merjemit
8) Profeti Ibrahim mund sundimtarin
9) Ushtria e elefantit
10) Historia e Karunit dhe popullit të tij.

Pas botimit të kësaj serie librash shumë të dobishëm, shoqata botoi një varg tjetër tё pёrgatitur nga Aida Kurti dhe Alban Kodra me titull: TREGIME PËR FËMIJË NGA HISTORIA E PROFETËVE.

1) Ademi dhe Idrizi
2) Nuhu dhe Hudi
3) Salih dhe Ibrahimi
4) Ismaili dhe Luti
5) Is’haku dhe Jakubi
6) Ejubi dhe Jusufi
7) Shuajbi dhe Musa
8) Daudi dhe Sulejmani
9) Junus dhe Isa
10) Zekerija dhe Jahja

Po ashtu, botim i kësaj shoqate janë dhe një sërë fletëpalosje si “Disa nga shkeljet në të cilat bien gratë dhe prej të cilave duhet të kemi kujdes”, “Kujdes nga mëkatet e mëdha” që është një përmbledhje nga libri “Mëkatet e mëdha” i Imam El Dhehebi dhe nga libri “Mëkatet e mëdha” të autorit Muhamed bin Sulejman El Temimi, etj.