Në datën 10.01.2008 në ambientet e Hotel “Mondjalit”, Shoqata Kulturore “Gruaja”, në bashkëpunim me Institutin Shqiptar të Mendimit dhe Qytetërimit Islam (AIITC) organizuan  takimin me studentët:

 “Si të menaxhojmë Stresin”

Qëllimi i këtij aktiviteti ishte: largimi i stresit në përgjithësi, kur dimë që situata që kalojmë të gjithë është shumë stresuese, sidomos për studentët para sezonit të provimeve, njohja me problemet dhe shqetësimet e studentëve gjatë kësaj periudhe.

Për të folur për këtë temë ishin të ftuar psikologia Irena Shtraza dhe teologu Saimir Bulku.

Prezantimi i këtij aktiviteti u bë nga përgjegjësi i studentëve të AIITC-s, Eris Koloqi,  i cili në fjalën e tij i uroi studentëve suksese në sezonin e parë të provimeve dhe ta kalojnë me  sa më pak strese. Më pas, ftoi psikologen Irena Shtraza për të trajtuar shkaqet që çojnë në lindjen e stresit,  si dhe mënyrat lehtësuese që stresi të mos e mundë dijen e studentit.

Psikologia Irena Shtraza fjalën e saj e nisi me urimin e studenteve në provime dhe vazhdoi me temën “Stresi dhe shkaqet që mund të çojnë në një situatë stresuese dhe si mund ta luftojmë atë.”

Një nga mënyrat e lehtësimit është Relaksimi Progresiv,  e cila ka lidhje të tërthortë midis tensionit nervor - emocional dhe tensionit muskulor, të dyja veprojnë me njëra – tjetrën, zemërimi dhe ankthi ndikojnë shumë në kontraktimin e muskujve. Si mund të luftohet kjo?  Duke e quajtur  “Teknikë e Relaksimit Progresiv”, duke përmendur disa etapa dhe që ta bënte sa më të qartë psikologia ftoi studentet në praktikimin e kësaj metode.

Pastaj theksoi efektet psikologjike që sjell relaksimi progresiv si dhe të përjetosh qetësinë e mirëfilltë fizike  dhe emocionale dhe nga ana tjetër të jetosh në ankth do të thotë të përjetosh ndjenja të kundërta me ato të relaksimit.

 Metodat e largimit tw ankthit janë tw shumta e tw ndryshme. Me shembuj të ndryshwm, praktikw, të përditshëm, psikologia, foli për metodat e largimit të ankthit.

Shumë interesant ishin diskutimet që u bënë për probleme që kishin hasur vetë studentët në momente të ndryshme të jetës. Shumë studentë dhanë edhe “receta” se si e kishin kaluar një situatë stresuese”, të cilat deri diku përputheshin me disa metoda psikologjike.

Më pas, fjalën e mori teologu Saimir Bulku, i cili foli rreth temës “Ndikimi i fesë në shëndetin mendor dhe largimin e stresit”, tema e tij u nda në disa pika:

1)    Sëmundjet e zemrës

Duke u bazuar në thënien e profetit Muhamed (a.s) se nëse zemra dëmtohet, atëherë i tërë trupi  dëmtohet  dhe se zemra është është burimi i  frikës ndaj Zotit, çelësi ynë në parajsë.

2)    Besimi në jetën e përtejme dhe pranimi i të pashmangmes

Në këtë pikë theksoi se njeriu që beson se problemet e kësaj bote janë të përkohshme dhe se ekziston një jetë tjetër pas vdekjes do të jetë i kënaqur me gjithçka që do të marrë nga kjo jetë, besimi në jetën e përtejme dhe në përcaktimin e Zotit, siç mëson Islami është mbrojtja më e mirë për secilin.

3)    Kënaquni me caktimin e Allahut

Përmendi disa metoda për t’u qetësuar dhe një nga këto metoda ishte Namazi, Abdesi.

Për ta ilustruar dhe për ta sqaruar sa më mirë këtë problem ai solli ngjarje të shokëve të Profetit (a.s)

4)    Sa herë që ndihesh i mërzitur kujto Allahun (xh.sh)

Dhe përmendi disa këshilla për të larguar mërzitjen dhe ankthin

5)    Besimtarët janë  njerëzit që përjetojnë më pak ankth

Kjo për shkak se besimi sjell dukshëm qetësi shpirtërore dhe përmendi ajetin Kuranor: “Kujtdo, nga meshkujt apo femrat që kryen një punë të mirë, Ne do t’i japim të jetojë një jetë të mirë e të bukur.” (16:97)

Dhe ajetin tjetër: “Kush ndjek udhëzimin Tim, nuk do të humbasë dhe nuk do të jetë i pafat.” (20:123)

Fjalën e tij e mbylli duke thënë se Zoti e ka bërë këndimin e Kuranit ilaç dhe ushqim për shpiritin “Vërtet, duke kujtuar Allahun qetësohen zemrat.”

Më pas, Eris Koliqi duke falenderuar  të ftuarit e këtij takimi dhe duke shpresuar që të gjithë të kemi përfituar sa më shumë nga dija e të dy lektorëve, i ftoi  në një koktej, ku edhe aty filluan diskutimet rreth kësaj teme.